Afërsia e Parkut Kombëtar Liqeni i Shkodrës, pamja në Malo Blato dhe Liqenin e Shkodrës si dhe qetësia e fshatrave me ndërtime autentike janë atrakcione të cilat garantojnë një përvojë të jashtëzakonshme dashamirëve të natyrës së paprekur. Ambientet e pronave me shtëpi guri që janë më të vjetra se 100 vjetë, vreshtat dhe kopshtet me perime të ndryshme si dhe gumnot si simbole të jetës shoqërore dhe punës në të kaluarën janë dëshmi të traditës së pasur të këtij vendi. Zemërgjerësia e mikpritësit, harmonia e bashkëjetesës me kusherinjtë dhe fqinjtë si dhe tregimet për Barutanën dhe banorët lokal do hapin dyert për tu njohur me mënyrën e jetës së njerëzve në këtë zonë. Vizitorët këtu mund të shijojnë mikpritjen tradicionale – proshutë, djathë, raki, verë dhe lëng, të servuara me petulla, si dhe me dreka të organizuara gjatë të cilave shërbehen gjellëra autentike – rashtan ose japrak (sarmë) e përgatitur në gjeth rashtani ose të hardhisë së rrushit.
Disclaimer: This website was created and maintained through a grant provided by the Regional Cooperation Council’s Tourism Development and Promotion Project, funded by the European Union. Its contents are the sole responsibility of the MANIFESTO and do not necessarily reflect the views of the Regional Cooperation Council or the European Union.
Në kuadër të projektit “Heritage Walks & Talks”, zhvillojmë një produkt të ri turistiko-kulturor të cilin pa pengesa do ta shfrytëzojnë turistët individual por edhe ata në grupe. Konceptin të cilin dëshirojmë ta prezantojmë si shëtitje nëpër trashëgimi, dhe do mund ta shfrytëzojmë kur dëshirojmë të njihemi me trashëgiminë kulturore dhe historike të Ballkanit Perëndimor, mu atë trashëgimi e cila ende prezantohet me ndrojtje përmes rrëfimeve të bashkësive lokale e që musafirët duhet t’i dëgjojnë nga ta.
© 2020 Heritage Walks & Talks
Web design & Development by DIGIPROM
