Kombinimi fantastik i historisë dhe bukurisë në një vend e bën Ohrin një ndër vendet e rralla në të cilin do të përjetoni një përvojë të veçantë e në të cilin plotësisht do të kënaqeni. Ky qytet përrallor gjendet në liqenin me po të njejtin emër dhe me të drejtë është një objektiv i justifikuar për të gjithë turistët nga e mbarë bota.
Qyteti dikur ishte kryeqendër e një perandorie të fuqishme mesjetare. Derisa i afroheni qytetit, që nga largësia mund ta vëreni Kalanë e Ohrit për shkak të pozitës së saj dominuese. Edhe anasjelltas, kur të ngjiteni në kala, nga lartësia të ofrohet pamja në luginën të cilën e mbush liqeni: nga jugu Shqipëria, kah veriperëndimi janë Struga dhe mali i Jabllanicës kurse nga lindja mali Galicica. Gjatë luftërave, dukshmëria nënkupton avantazh kundrejt armikut, si dhe mundësi e mirë që vartësve të vet tu jap ndonjë shenjë si psh shfaqja e flamurit ose ngjashëm. Viri re se si pozita verilindore e bregut të liqenit të Ohrit që është shumë e pasur me peshk dhe e rrethuar me pyllë plot me kafshë të egra, mundëson që të gjitha këto burime të jenë lehtësisht të arritshme. Mirëpo pozita e saj strategjike ishte vendimtare për ndërtimin. Dukshmëria e fushës së pamjes në kohën kur fiset barbare shkatërronin rrethinën ishte një avantazh i madh. Mendohet se e ka ndërtuar mbreti maqedon i antikes Filipi II që në shekullin IV p.e.re., përndryshe babai i Aleksandrit të Madh, si një fortifikatë në mënyrë që të mbrohet dhe të luftojë kundër fiseve ilire që shkatërronin nga ana veriore si dhe njëherit të mbrojë kufijt e mbreërisë së tij të atëhershme që ishte mjaftë e fortë.
Duke vazhduar me ngjitje, do të arrini deri te teatri antik i cili është i ndërtuar po në të njejtën kohë sikurse edhe kështjella e për nevoja të metropolës së atëhershme antike. Në fillim u shfrytëzua për manifestime lidhur me kultin e hyut Dionisi dhe ate dy herë në vit, në pranverë dhe në vjeshtë kur bëhet mbledhja e rrushit. Më vonë janë interpretuar tragjedi dhe drama të autorëve të njohur si: Eskili, Sofokliu, Euripidi, kurse me ardhjen e romakëve teatri u shndërrua në arenë gladiatorësh.
Kalaja shërbeu për mbrojtjen e qytetit gjatë luftrave maqedono-romake të cilat kanë ardhë pas vdekjes së Aleksandrit të madh dhe dobësimin e perandorisë së tij. Për pamjen e sotme mesjetare u kujdes mbreti Samuil. Pasi zhvendosi kryeqendrën e vet nga Liqeni i Prespës në Ohër, rindërtoi citadelën dhe masivizoi bedenet rrethuese të cilat rrethojnë qytetin e vjetër. Pikërisht mu për këtë kontribut të tij, kështjella njihet me emrin e tij.
Emri sllav që qëndron nëpër shënimet historike është Ohrid – qyteti i ngritur mbi kepin, kodrën. Sipas një legjende ushtarët e Samuilit duke çuar gurë në kodër për ndërtimin e kështjellës gjëmonin oh-rid!
Disclaimer: This website was created and maintained through a grant provided by the Regional Cooperation Council’s Tourism Development and Promotion Project, funded by the European Union. Its contents are the sole responsibility of the MANIFESTO and do not necessarily reflect the views of the Regional Cooperation Council or the European Union.
Në kuadër të projektit “Heritage Walks & Talks”, zhvillojmë një produkt të ri turistiko-kulturor të cilin pa pengesa do ta shfrytëzojnë turistët individual por edhe ata në grupe. Konceptin të cilin dëshirojmë ta prezantojmë si shëtitje nëpër trashëgimi, dhe do mund ta shfrytëzojmë kur dëshirojmë të njihemi me trashëgiminë kulturore dhe historike të Ballkanit Perëndimor, mu atë trashëgimi e cila ende prezantohet me ndrojtje përmes rrëfimeve të bashkësive lokale e që musafirët duhet t’i dëgjojnë nga ta.
© 2020 Heritage Walks & Talks
Web design & Development by DIGIPROM
