Тури на наследство во Западен Балкан се замислени како тури за помалку познати и понекогаш скриеното наследство од Западен Балкан. Една од темите на проектот RCC Triple P е развој на рута на културен туризам – Балканска монументална рута. Овој вид рута на културен туризам е планирана како тура низ балканското наследство од споменици посветени на периодот од Втората светска војна.
Балканска монументална рута
Идејата за Балканска монументална патека е истражување и истакнување на често заборавените споменици на подрачјето од Западен Балкан, со акцент на наследството од периодот на Втората светска војна.
Со овој концепт е опфатено историското и културното значење на монументалните места, визуелната импресивност, архитектонската и уметничката привлечност. Ви ги претставуваме локациите со извонредните споменички комплекси кои пленат со нивната убавина.
Оправданоста за оваа културна туристичка рута е тоа што балканското наследство, историја и култура им биле скромно претставувани на другите народи надвор од регионот. Од друга страна, бројни неодамнешни публикации и уметнички настани, докажуваат дека постои голем меѓународен интерес за модернистичката монументална уметност и архитектура од регионот на Западен Балкан. Културните тури преку балканското наследство ќе ги донесат посетителите поблиску до древните настани и ќе им овозможат да се восхитуваат од прекрасните архитектонски дела. Како резултат на тоа, туристите не само што ќе ги гледаат со восхит спомениците, туку и ќе ја сфатат и причината за нивната изградба.
Откривање на балканското наследство
Целата замислена тура се состои од 40 споменични локации ширум земјите од Западен Балкан. Локациите се добра основа за откривање на балканското културно наследство.
Споменичните локации се избрани врз основа на следните интегрални концепти:
- Историско и културно значење
- Визуелна импресивност и архитектонска/уметничка привлечност
- Сегашната состојба и зачуваност на локациите
- Локации со голема природна раскош и впечатлива убавина на пределот
- Локации кои немаат исклучиво идеолошка презентација
Со организирање на овој вид балкански тури, ние презентираме локации – големи монументални комплекси со исклучителна убавина. Како резултат на овие напори, се забележува зголемување на меѓународниот интерес како кај странските, така и кај домашните туристи за посета на овие споменици.
Патеки на културните тури
Патеката на културните тури се протега илјадници километри низ секоја од земјите од Западен Балкан, поврзувајќи ја секоја локација од спомениците. При одредување на оваа патека, во предвид беа земени следните чинители:
- близина на туристичка инфраструктура (ресторани, сместување, гориво, продажни услуги и сл.)
- близина до патишта во добра состојба
- рута која е едноставна и лесна да се следи и да се вози до неа
- рута кој е достапна во текот на целата година
Употребувајќи ги овие критериуми, туристите кои сакаат да ја доживеат балканската тура на наследство, ќе бидат во можност тоа да го направат во текот на целата година. Како резултат на тоа, турата ќе им обезбеди комфор на туристите каков што посакуваат.
