Од паднатиот мост до споменик на Икар

Најпознатиот симбол на Ниш е Нишката Тврдина, османлиско утврдување, изградено на остатоци од средновековно утврдување. Се смета дека првото утврдување од камен и изградено во вториот век од нашата ера, кога во неа била сместена една римска кохорта (дивизија). Исто така, се смета дека во неа бил роден и царот Константин. Како што многу освојувачи минувале низ овие простори, така и речиси два миллениума и Нишката Тврдина ги менувала господарите. Тоа што останало константа е дека за секој освојувач претставувала битна недвижност, која за напаѓачите била тешка да се освои.

Современата историја на Нишката Тврдина потекнува од 18-от век, кога Османлиите по загубата на Белград и освојувањето од Австроунгарците, морале да ги повлечат нивните главни гарнизони на југ. Бедемите од денешната тврдина се изградени од февруари 1719 до јуни 1723 година. Се смета дека денес е една од најдобро зачуваните тврдини од тоа време на Балканот. Иако во внатрешноста на ѕидините имало цел еден град, денес се зачувани само неколку згради, меѓу нив и Бали-Беговата џамија. Денес, тука се наоѓаат галерии и ателјеа, а целата тврдина е интересен парк во самиот центар на градот, каде што многу генерации Нишлии ги паметат првите романтични љубовни доживувања. Во тврдината се одржуваат и познатите Филмски средби, Хорски свечености и сѐ повеќе популарниот џез-фестивал Нишвил.